17 лютага | 19:00 | Event SPACE (Кастрычніцкая, 16, корпус 3)
Рэжысёрка – Валянціна Мароз
Мастак па касцюмах – Андрэй Часнакоў
Ролі выконваюць удзельнікі і ўдзельніцы Лабараторыі сацыяльнага тэатра ECLAB
«Наш клас» — п’еса вядомага польскага драматурга Тадэвуша Слабадзянека пра Халакост і складаныя польска-габрэйскія адносіны ў 20-м стагоддзі. У цэнтры гісторыі — жыццё 10 аднакласнікаў з польскага мястэчка Едвабнэ з 1925 года да нашых дзён. З прыходам да ўлады спачатку рускіх, а потым немцаў, якія ўсталёўваюць свае правілы, былыя сябры раптам дзеляцца на антысемітаў і габрэяў, становяцца гвалтаўнікамі і ахвярамі, пачынаючы чараду здрад, катаванняў і забойстваў.
Спрабуючы раскрыць механізм трагедыі, якая закранула людзей, якія ў пэўны перыяд часу апынуліся ва ўмовах унікальнага збегу гістарычных, ідэалагічных і рэлігійных абставінаў, аўтар шукае прычыны, (магчыма, уласцівыя самой прыродзе чалавека), якія прывялі да жорсткасці, помсты і пакутаў.
Нягледзячы на тое, што падзеі п’есы разгортваюцца ў Польшчы, яна актуальная для любога грамадства, у якім прыватная жыццё людзей знаходзіцца пад уплывам палітыкі і ідэалогіі, і закранае пытанні нацыянальнай калектыўнай памяці, адносін унутры супольнасцяў і спадчыны Другой сусветнай вайны.
Колькасць месцаў абмежавана.
Абавязковая рэгістрацыя.
