Дабрачынны шахматны анлайн-турнір у падтрымку Украіны

Пачатак: 30.04 (18:00)
Канец: 30.04 (20:00)
анлайн

30 красавіка Беларускі фонд спартыўнай салідарнасці ладзіць аднадзённы шахматны анлайн-турнір у падтрымку дзяцей, пацярпелых ад вайны ва Украіне.

Дата: 30 красавіка

Час: 18.00 (CET)

Месца: платформа lichess.org

Прыняць удзел можа кожны. Неабавязкова ведаць, што такое гамбіт ці эндшпіль. Калі вы ведаеце, як «хадзіць канём» па шахматнай дошцы ці вы проста захоплена глядзелі серыял «Ход каралевы», то смела можна спрабаваць свае сілы ў турніры Chess Solidarity Cup, каб дапамагчы дзецям.

Для удзелу рэгіструйцеся на сайце chesssolidarity.com.

Усе сродкі, сабраныя на турніры, будуць накіраваны самай вялікай дзіцячай бальніцы ва Украіне — АХМАТДЫТ.

Мінімальны кошт удзелу ў турніры — 10 еўра.

Дзеці павінны жыць! Салідарнасць — наша сіла!