24 траўня экскурсійны праект «Набліжэнне» кліча на дабрачынную экскурсію па былой Падгорнай вуліцы ў Мінску з экскурсаводам Таццянай Даўгач.
Дата: 24 траўня
Час: 18:30
Месца: фантан ў Аляксандраўскім скверы, вул. Энгельса, 7, Мінск
Любы горад — гэта адкрытая кніга. Адны гарады падобныя да захапляльных эпапей. Іншыя — да шматтомных раманаў. Наш жа Мінск — эклектычны зборнік навэл.
Тут ёсць павучальныя прытчы, і мудрагелістыя фантасмагарычныя аповеды, гераічныя сагі і пампезныя оды мінулым эпохам, напоўненыя драматызмам трагедыі і наіўныя добрыя казкі, якія падтрымліваюць нашу веру ў лепшае.
Асаблівае месца ў гэтай кнізе займае цікавая п’еса, у якой дзіўным чынам пераплятаюцца лёсы, нечакана змяняюцца дэкарацыі, з’яўляюцца новыя самабытныя персанажы. Дзеянне гэтай п’есы расцягнулася амаль на 200 год. 200 год непаўторнай вуліцы Падгорнай, цяпер Карла Маркса.
Дабрачынныя шпацыры «Набліжэння» накіраваныя на знаёмства з роднымі мясцінамі і спазнаванне сваёй культуры. Па жаданні можна аддзячыць «Набліжэнню» данатам.
Запіс на вандроўку не вядзецца — проста прыходзьце.
