18 траўня экскурсійны праект «Набліжэнне» запрашае на экскурсію «Траецкае: на скрыжаванні мінулага і сучаснага» з Марыяй Цхаўрэбавай.
Дата: 18 траўня
Час: 19.00
Месца збору: каля помніка Беларусам Замежжа, насупраць Траецкай узбярэжнай, 4, Мінск
Траецкае сапраўды лічыцца душой горада. У той, ці іншы час шмат выдатных дзеячоў беларускага нацыянальнага развіцця навукі і культуры жылі і плённа працавалі ў Траецкім. Кожны кавалачак прадмесця мае сваю, асобную гісторыю ў мінулым і сучасным.
Падчас экскурсіі вы даведаецеся:
⁃ які выбітны вучоны адкрыў свету беларусаў;
⁃ як першы народны тэатр высмейваў савецкую ўладу, а яна нічога не магла яму зрабіць;
⁃ каго лічылі «Беларускім Цыялкоўскім», які прадказаў другую сусветную вайну і засваенне космаса;
⁃ чым хварэлі і як лекаваліся жыхары старажытнага Менска;
і шмат іншага!
Дабрачынныя шпацыры «Набліжэння» накіраваныя на знаёмства з роднымі мясцінамі і спазнаванне сваёй культуры. Па жаданні можна аддзячыць «Набліжэнню» данатам.
Запіс на вандроўку не вядзецца — проста прыходзьце.
