Выходнымі, 22 і 23 красавіка, беларускі «TEAM THEATRE» грае ў Музеі Вольнай Беларусі спектакль-вербацім «How are you?», які паказвае вайну ва Украіне вачыма мірных жыхароў.
Дата: 22 і 23 красавіка
Час: 19.00 (час мясцовы)
Месца: Музей Вольнай Беларусі, ul. Foksal, 11, Варшава
Тэкст заснаваны на асабістых успамінах і сведчаннях людзей, якія змагаліся за сваё жыццё ва ўмовах вайны. Тут і гісторыі бежанцаў з Кіева і Вінніцы, і досвед эміграцыі ў Румыніі, і ў Германіі, ўзгадваюцца трагедыі Бучы і Марыупаля.
Галасы ўкраінскага і беларускага герояў суседнічаюць з каментарамі расейца, які недзе ў Расеі сочыць за ваеннай прапагандай, не ведаючы, што яго сын памірае на крэйсеры «Масква».
Стваральнікі назвалі свой спектакль «чытаклем», спалучэннем спектакля і сцэнічнага чытання. Але ж гэта паўнавартасны спектакль, з мінімалістычнай сцэнаграфіяй і ўкраінскімі песнямі ў жывым выкананні.
У тэксце пераплятаюцца тры мовы: украінская, беларуская і руская.
Квіткі коштам 35 злотых можна набыць па спасылцы.
