Мінулым разам сярэднявечная Маразуля нанесла жэстачайшы ўдар, і ніякія фінскія тролі не змаглі гэтаму зашкодзіць. А ў бліжэйшую сераду да нас завітае прадстаўнік сьветлага боку Сілы: адзін з галоўных джэдаеў дудовай галактыкі і айцец беларускага дудовага рэнесансу майстар Алесь Лось з капэляй сваёй “Тры А” што завецца.
То бок чакаюць вас, юныя падаваны, ня толькі дуды, але і цымбалы са скрыпкамі. Трэба сказаць, што традыцыйны дыятанічныя цымбалы — гэта вам не акадэмічная музыка, гэта ўмець трэба. Таксама магчымы дэсант аўтэнтычнага цымбаліста і іншыя прызы-сюрпрызы.
Ну і як звычайна на вечарынах Дударскага Клубу штосераду — шарыкі-фанарыкі, шмат імправізацыі, беларускіх і буржуінскіх танцаў, цёплых абжыманцаў, сяброўскае атмасферы і ненапружнага баўленьня часу пад дуды, скрыпкі, цымбалы, бубны, баўгаркі, перфаратары і іншыя народныя інструменты народаў Галактыкі. І да прэбудзе із вамі Полька-Карэлафінка!
15 красавіка, серада, Jack Club, вул. Няміга 12
Уваход 50 тыс. (уключаны алкагольны ці безалкагольны напой на выбар). Квіткі толькі на месцы.
Клуб адчынены з 18:30, пачатак пасьля 19:00.
Пра ўмовы бясплатнага ўваходу для музыкаў і халяўныя напоі тут:https://vk.com/dk_2015?w=wall-87796085_44
