У чацвер, 18 жніўня, Belarus in Focus у партнёрстве з Прэс-клубам, беларускай экспертнай сеткай «Наша думка» і Беларускім інстытутам стратэгічных даследаванняў (BISS) ладзіць новую сустрэчу экспертна-аналітычнага клуба.
Дата: 18 жніўня
Час: 17.00 (час мінскі; 16.00 па варшаўскім часе)
Месца: MediaPort, Варшава і анлайн
Гэтым разам абмяркуюць Новую Беларусь. Два гады таму «Новая Беларусь» была канцэптам, які беспрэцэдэнтна мабілізаваў грамадства ў агульным імкненні да палітычных пераменаў. Сёння «Новая Беларусь» — канферэнцыя палітыкаў і актывістаў у выгнанні, якія часам канфліктуюць адзін з адным.
Вось пра што пойдзе гаворка:
Якія стратэгічныя дасягненні супернікаў Лукашэнкі за апошнія два гады? Каму і чаго ўдалося дабіцца?
Што паказала канферэнцыя «Новая Беларусь» і якой будзе канфігурацыя беларускай палітычнай альтэрнатывы бліжэйшым часам?
Чаго можна чакаць ад фармавання пераходнага кабінета?
У сустрэчы бяруць удзел:
Андрэй Казакевіч — доктар паліталогіі;
Валер Карбалевіч — кандыдат гістарычных навук, палітычны аглядальнік;
Роза Турарбекава — кандыдат гістарычных навук, незалежны эксперт.
Мадэратары — Вадзім Мажэйка і Антон Рулёў.
Працоўныя мовы дыскусіі — беларуская, руская.
Сустрэча пройдзе афлайн і анлайн. Рэгіструйцеся па спасылцы і пазначайце ў анкеце зручны для вас фармат удзелу.
Калі раней вы не былі ўдзельнікам экспертна-аналітычных клубаў, Арганізатары просяць вас расказаць пра сваю матывацыю.
Звярніце ўвагу, што далучыцца да сустрэчы пасля пачатку анлайн-трансляцыі не атрымаецца.
