У суботу, 14 кастрычніка, у музейным комплексе «Дудуткі» — Дзень драніка.
Дата: 14 кастрычніка
Час: з 13.00 (час мясцовы)
Месца: музейны комплекс «Дудуткі», в. Пціч, Пухавіцкі раён, Мінская вобл.
Абяцаюць знаёмства з Дудуткаўскім дранікам!
Даведаецеся шмат цікавага пра беларускую бульбу, паспытаеце дзівосныя прысмакі, а таксама будзеце весела гарцаваць і гарэзліва танцаваць з дранікам у левай руцэ і з чарачкай у правай.
У праграме:
Пляцоўка «Ля сыраварні»
З 13.10 вас чакаюць традыцыйныя танцы, песні, выпрабаванні ды гульні
14.20 Грандыёзная бойка «Хуткаснае паяданне дранікаў»
Месцаў абмежавана; узрост удзельнікаў — 12+.
Рэгістрацыя на ўдзел — на месцы з 13.00 да 13.30. Пераможцы атрымаюць смачныя падарункі!
З 14.50 вас зноў чакаюць песні ды танцы, гульні ды выпрабаванні.
Пляцоўка «Летняя кухня»
13.00 — 13.50 і 14.00 — 15.00 — шоу-праграма і майстар-клас ад шэф-поваркі і эксперткі беларускай кухні Алены Мікульчык:
інтэрактыўная лекцыя па гісторыі бульбы;
інтэрактыўная гульня на веданне беларускай кухні з падарункамі;
майстар-клас па прыгатаванню пірожных з бульбы;
дэгустацыя вырабленых пірожных.
Пляцоўка «Яблыневы сад»
13.30 — 14.00 і 15.30 — 16.00 Дэгустацыя-частаванне фірмовага сыра і напоя Дудутак.
Ды шмат чаго іншага.
Квіткі — 20 рублёў дарослым, 10 рублёў школьнікам, а дашкольнікам уваход вольны.
