Дзень Волі ў Філадэльфіі
25.03.2023
17:00 - 22:00
Lithuanian Music Hall (2715 E Allegheny Ave)
Бясплатнае
У суботу, 25 сакавіка, завітвайце на святкаванне Дня Волі ў Філадэльфіі!
Дата: 25 сакавіка
Час: з 17.00 да 22.00 (час мясцовы)
Месца: Lithuanian Music Hall 2715 E Allegheny Ave, Philadelphia
СТАНЦЫЯ ГIСТАРЫЧНАЯ
Цiкавiцеся гiсторыяй Беларусi? Жадаеце ведаць, адкуль прыйшоў БЧБ? Забыліся, як была створана БНР? Тады вам сюды.
СТАНЦЫЯ МУЗЫЧНАЯ
Акрамя беларускiх музыкаў для вас выступяць некалькi рок-гуртоў з iншых краiнаў. А тых, хто пасля канцэрта зможа яшчэ стаяць на нагах, DJ D*MARK закалыша сваiм магутным беларускім трэк-лiстом.
СТАНЦЫЯ СПАРТЫЎНАЯ
Цi ёсць у нас тут рыцары ракеткі і шарыка? Калi гэта вы, то вас чакаюць сярод удзельнiкаў BEL Ping-Pong BATTLE.
СТАНЦЫЯ ДЗIЦЯЧАЯ
Пакуль бацькi вывучаюць гiсторыю i рэжуцца ў пін-понг, конкурсы, гульнi, face painting, дзетак чакаюць шакаладны фантан і іншыя забаўкі.
СТАНЦЫЯ МАСТАЦКАЯ
У кожным беларусе хаваюцца Малевiч і Шагал. Дайце ж ім волю! Малюйце!
СТАНЦЫЯ ДАБРАЧЫННАЯ
Уладзiмiр Цыгановiч, Мiкола Статкевіч, Сяргей Ціханоўскі, Ігар Лосік, TOR BAND i яшчэ больш за 1700 iншых палiтвязняў пакутуюць зараз у турмах. Лiст з пажаданнем, квiток у кіно для дачкi палiтвязня альбо кошык прадуктаў для яго матулі — гэта тое малое, што мы можам зрабiць для іх.
СТАНЦЫЯ СМАЧНАЯ
Дранiк і смятанка грэюць душу кожнага беларуса. А калi дадаць да iх шкварку і мачанку, бургеры і хот-догi ды келіх добрага піва, то святкаванне можна лiчыць удалым.
Вядучы — Сяргей Курыленка.
Карацей, не прапусціце, каб не шкадаваць пасля!
