У чацвер, 9 кастрычніка, у Палацы мастацтваў у межах Восеньскага салону адбудуцца адразу дзве лекцыі: а 19-й - прадметная размова з дызайнерам Андрэем Ананенкам і ў 19.30 - лекцыя заснавальніка архітэктурнай майстэрні "Majsterni" Максіма Верамеюка "Як нараджаецца эстэтыка".
Прадметная размова – гэта фармат шчырага дыялогу, дзе любы глядач можа задаць любое пытанне.
А на лекцыі пра эстэтыку даведаецеся:
❓ Што робіць форму прыгожай?
❓ Чаму адны будынкі і прадметы цешаць вока, а іншыя - не?
Пагавораць аб нараджэнні архітэктурнага вобразу, аб тым, што ёсць архітэктура і што ёсць эстэтыка.
Ад мінулага, калі архітэктар сумяшчаў у сабе і праектаванне будынкаў, і дызайн інтэр'ераў, і дэкор, - да сённяшняга свету масавай вытворчасці і падзелу прафесій.
Разам разбяруцца, як нараджаецца прыгажосць: імгненны парыў таленту, дбайны пошук або шматгадовая праца майстра.
Пагавораць і пра гармонію, выразнасць формы і тое, як мастацтва архітэктуры і дызайну ўплывае на наша ўспрыманне і эмоцыі.
Квіткі - 35 рублёў за дзве лекцыі (у кошт уваходзіць квіток на выставу). Бярыце па спасылцы.