Кампанія “Будзьма беларусамі!”запрашае на сямейнае афлайнавае ток-шоў, якое адбудзецца ў Брэсце 1 красавіка.
За апошнія пяць гадоў колькасць беларусаў, якія валодаюць беларускай мовай, скарацілася на 14%, і адна з прычын – дэмаграфічная: беларусаў становіцца меней. Беларускай мовы таксама менее, бо толькі ў 7 сем’ях са 100 дзеткі з маленства чуюць беларускую мову. Ці назавуць самыя маленькія грамадзяне краіны сябе беларусамі праз 10-15 гадоў, і калі так, то што яны будуць мець на ўвазе? Грамадская культурніцкая кампанія “Будзьма беларусамі!” запрашае абмеркаваць, што стаіць за гэтымі лічбамі, і скіраваць zoom калектыўнай увагі на пытанні, з якімі сутыкаюцца ў канкрэтных сем’ях:
“Мы хацелі б размаўляць з сынам па-беларуску, аднак як ён будзе камунікаваць з аднагодкамі?”, “Як можна выхоўваць дзіця па-беларуску, калі навокал усе размаўляюць па-руску?”, “Дзе знайсці дзіцячыя кніжкі і забаўлянкі па-беларуску?”, “Навошта ўвогуле ўсё гэтае “беларускае”, галоўнае, каб вырас добрым чалавекам”…
Самі берасцейцы і госці мерапрыемства, якія абралі не самы просты шлях выхавання дзетак, раскажуць пра ўласны досвед выхавання і адукацыі сваіх дзяцей па-беларуску і ў беларускай традыцыі. У сустрэчы возьмуць удзел:
– Таццяна Малашчанка, актыўная маці, і яе дачка Яся (г. Баранавічы);
– Святлана Чакушка і Ганна Архіпенка, стваральніцы праекта “Забаўлянкі для Янкі”;
–Аляксандра Грынь ,вядучая курсаў “Мова Нанова дзяцям” у Брэсце, настаўніца пачатковых класаў.
Усё, што вы хацелі ведаць пра выхаванне беларускасці, але не ведалі, у каго спытацца!
1 красавіка, 19.00
New York Coffee (б-р Касманаўтаў, 40)
Уваход вольны!
Даведкі: +37529 727 30 97, Зміцер Назараў
hardzones@gmail.com, razam@budzma.org
