Бясплатныя экскурсіі, прымеркаваныя да Дзядоў у Варшаве

Пачатак: 30.10 (11:00)

Цэнтр беларскай салідарнасці запрашае на бясплатныя экскурсіі, прымеркаваныя да Дзядоў у Варшаве.

Калі: 30 кастрычніка. 

Можна абраць зручны час (11.00, 13.00 ці 15.00)

Каб трапіць на экскурсію, зарэгіструйцеся ў гугл-форме па спасылцы. 

Мы звяжамся з вамі і паведамім дакладнае месца збору.

Мы ня першыя, хто па розных прычынах з’язджаў з Беларусі. Па ўсім свеце ёсць пахаванні нашых землякоў, якія збягалі з радзімы ці шукалі лепшай долі ў далёкіх краях. Асабліва шмат беларускіх пахаванняў на Павонзкіх могілках.

Гэта самыя старыя могілкі польскай сталіцы, дзе пахавана шмат важных для беларускай культуры асобаў: Станіслаў Манюшка, адзін з кіраўнікоў паўстання 1863 года Баляслаў Аскерка, гетман ВКЛ Міхал Казімір Агінскі, адзін з першых беларускамоўных паэтаў Вінцэсь Каратынскі, этнограф Міхал Федароўскі, нарачоная Каліноўскага Марыя Ямант. Падчас экскурсіі мы распавядзем іх гісторыі і пабачым іх пахаванні.