Іншае
Канец: 16.12 (12:00)
плошча Бяліка
Экскурсія «Па „беларускіх“ вуліцах Тэль-Авіва» з Алесем Белым
Пачатак: 16.12 (10:00)Канец: 16.12 (12:00)
плошча Бяліка
Кошт: free donation
У пятніцу, 16 снежня, гісторык Алесь Белы кліча беларусаў Тэль-Авіва на шпацыр па «беларускіх» вуліцах!
Дата: 16 снежня
Час: 10.00 (час мясцовы)
Месца збору: плошча Бяліка, Тэль-Авіў
Выхадцы з сучаснай тэрыторыі Беларусі адыгралі важную ролю ў гісторыі Ізраіля і Тэль-Авіва.
Так, ідэя заснавання горада належыць гарадзенцу Аківе Ар’е Вайсу, а ідэя назваць яго Тэль-Авівам, паводле іўрыцкай назвы перакладу рамана Герцля «Старая-Новая Зямля», — Менахему Шэйнкіну з Бешанковіцкага раёну.
Выхадцы з Беларусі былі і прэзідэнтамі, і прэм’ер-міністрамі Ізраіля, вядомымі літаратарамі, журналістамі, навукоўцамі, дзеячамі культуры.
Нічога дзіўнага, што шмат вуліц, плошчаў, паркаў Тэль-Авіва названа ў іх гонар. Асабліва густа яны сустракаюцца абапал восі вуліц Баграшоў — бульвар Бенцыён — Мармарэк у паўднёвай частцы Тэль-Авіва.
То далучайцеся да шпацыру, каб даведацца больш пра землякоў, чые імёны засталіся ў гісторыі Ізраіля!
Удзел — free donation.
