Equilibrium. Уладзімір Сакалоўскі. Персанальная выстава

02.09.2021 18:00 - 18:00 Палац мастацтва (вул. Казлова, 3) Бясплатнае

2 верасня (18-00) у прасторы ZAL #2 будзе адчынена персанальная выстава Уладзіміра Сакалоўскага «Equilibrium».



Equilibrium — ад лацінскай мовы перакладаецца як аequus — «роўны» + libra «весы: раўнавага». Эквілібрыўм — асаблівая форма раўнавагі, праз якую Чалавек здольны спасцігнуць сутнасць фарміравання Сусвету. Гэта форма ўзаемадзеяння Чалавека з навакольным асяроддзем, раўнавага яго саціяльнага існавання, што ўтварае сваеасаблівы Баланс успрымання соцыўма.

Уладзімір Сакалоўскі фарміруе прастору Пустэчы праз геаметрычныя плоскасці, якія ўвасабляюцца і паўтараюцца аднатыповымі дамамі, прадметамі мэблі, прамысловымі прадпрыемствамі і пустынымі ландшафтамі. Гэта Зямля, дзе нікога няма, дзе адсутнасць мае большае значэнне, чым прысутнасць. І гэтая Пустэча толькі павялічваецца і памнажаецца. Адначасова такі Свет з’яўляецца і аховай ад знешняй небяспекі. Мастак невыпадкова ў сваёй пластычнай сістэме ўвасабляе вобраз Сям’і, якая пажыццёва выкарыстоўвае, напрыклад, працівагаз, як сродак абароны і дадатковых межаў.

Сусвет Уладзіміра Сакалоўскага не адкідвае ценяў і пры гэтым мае эстэтычнае значэнне, таму што эфект адсутнасці — гэта форма абмежаванага існавання, дзе людзі пасля паглыблення ў віртуальную прастору раптам убачылі абязлічанае наваколле. У. Сакалоўскі стварыў прататып Свету пост інфармацыйнай эпохі. Чалавек у партрэтах У. Сакалоўскага выглядае напалоханым і збянтэжаным, але мастак пакідае надзею на фарміраванне адноўленага грамадства, таму што рэальны Сусвет нікуды не знікае, а Новаму чалавеку належыць знайсці і адкрыць яго зноў.

Куратар: Кацярына Янкоўская.

Выстава працуе з 02.09. па 13.09.2021 верасня ўключна.

Адрас: г. Мінск, вул. Казлова, 3, «Палац мастацтва».

Час працы: 3 11-00 да 21-00, без выходных.

Тэлефоны для даведак: +375(33) 630 06 66, +375 (29) 264 68 48.



Вам можа быць цікава

Выстава «Шчаслівы той, хто, як Уліс...» у Віцебску

03.06.2025 11:00 - 07.09.2025 18:00 арт-цэнтр Марка Шагала (вул. Савецкая, 25)

Фестываль гумару «Аўцюкі-2025» у Малых Аўцюках

18.07.2025 17:00 - 19.07.2025 23:34 (Калінкавіцкі раён, Гомельская вобл.)

Спектакль «Дзікае паляванне караля Стаха» ў Брэсце (12+)

19.07.2025 (19:00 - 21:00) Брэсцкі акадэмічны тэатр драмы (вул. Леніна, 21)

Апошняе
на Budzma.org

чытаць яшчэ