З 12 па 14 жніўня на беразе возера пад Ушачамі адбудзецца этнакемпінг «Карані». Запрашаюць усіх, хто хоча прысвяціць выходныя творчасці і самаразвіццю.
Дата: 12-14 жніўня
Месца: возера пад Ушачамі, Віцебская вобл. (дакладныя каардынаты — на сайце фэста)
Прастора напоўніцца якаснымі практыкамі, майстар-класамі, трэнінгамі, лекцыямі, творчымі лабараторыямі ды музычнымі выступамі пад адкрытым небам. Удзельнікі будуць танчыць, смачна есці, піць гарбату і атрымліваць асалоду ад зносінамі з сябрамі.
Вось якія будуць прасторы:
Лазня на беразе;
Гасцёўня, дзе па вечарах граюць музыкі і ўсе збіраюцца вакол вогнішча;
Прастора практык;
Чайныя пакоі;
Пакоі адпачынку і паслабленні;
Чароўная дзіцячая прастора;
Крамка з рамеснымі таварамі і майстар-класамі;
Вегетарыянская сталовая з 3-х разавым харчаваннем і смачнюшкамі;
Жаночая прастора, дзе кожная можа праявіцца і вярнуцца ў рэсурс;
Мужчынская прастора з тэматычнымі практыкамі і хвацкімі забавамі;
Здраўніца — пакой, дзе можна адпачыць целам і пазнаёміцца з практыкамі;
Ёга-пакой;
Спальня — кемпінг, прастора адпачынку і адзіноты;
Таемныя пакоі.
Кошт квітка на ўсе 3 дні — 120 рублёў. Праграму фэста ды квіткі шукайце на сайце «Каранёў» па спасылцы.
