Дыскусія "Ці патрэбна беларускім фатографам супольнасць?" у Варшаве

У суботу, 8 лістапада, ФШ1 ладзіць у Варшаве дыскусію "Ці патрэбна беларускім фатографам супольнасць?"

Сёння беларуская фатаграфічная сцэна раскідана паміж Мінскам, Вільняй, Варшавай і іншымі гарадамі. Хтосьці працуе ўнутры краіны, хтосьці - у эміграцыі. Сувязі аслабелі, а агульных пляцовак для размовы стала менш.

Прапануюць сустрэцца і адкрыта пагаварыць:

? ці патрэбна нам супольнасць сёння;

? што яна можа даваць фатографам;

? якія праблемы існуюць у полі беларускай фатаграфіі;

? ці магчымы кантакт і супольная праца паміж фатографамі, якія знаходзяцца ў розных краінах?

Удзел бяруць:

Сяргей Міхаленка, фатограф, выкладчык, заснавальнік Беларускай Незалежнай Асацыяцыі Фатографаў (Літва);

Ганна Самарская, сузаснавальніца і кіраўніца WomenInTech, дасціпна ведае, як будуецца і расце супольнасць;

Аляксандр Веледзімовіч, пісьменнік і выкладчык;

Яўген Атцецкі, фатограф, выкладчык, сузаснавальнік беларускай фатаграфічнай платформы ФШ1;

Фасілітатарка - Кацярына Ігнашэвіч, фатографка, мэнеджарка платформы ФШ1 і ўдзельніца калектыву +375.

Пасля дыскусіі адбудзецца адкрытая размова з удзельнікамі, дзе кожны зможа падзяліцца ўласным меркаваннем, досведам, назіраннямі і пытаннямі.

Арганізуюць працу за сталамі ў невялікіх групах, каб кожны меў магчымасць паразважаць над пастаўленнымі пытаннямі.

Заключная частка - кава-паўза і нэтворкінг.

Працягласць - 5 гадзін.

Уваход вольны. Рэгіструйцеся па спасылцы.