Гэтымі выходнымі, 20 і 21 траўня, у Берліне адбудзецца фестываль «Межы» — мікс эксперыментальнага відэа-арту і інсталяцый, эмбіенту і інструментальнага джазу, акустыкі і электронікі, Усходняй і Заходняй Еўропы.
Дата: 20 і 21 траўня
Час: з 15.00 і з 16.00 (час мясцовы)
Месца: Haus der Statistik (блок OTTO), Otto-Braun-Stasse 70-72, Берлін
Каб даведацца, дзе нашы межы і ці існуюць яны, будзе цудоўная музычная і мастацкая кампанія, у тым ліку Big Bouncing Charlie, MadMappers, Primary Noise, Mufer і іншыя.
Праграма вось якая:
20 траўня, субота:
15:00 — адкрыццё, вінілавыя DJ-Sets ад End80s
15:00 — эксперыментальны спектакль Віктара Красоўскага «Пустка».
Спроба прысутнічаць у часа-прасторавай мастацкай сесіі без выкарыстання асноўных адзінак вымярэння, такіх як «час», «прастора» і «дзеянне».
16:00 — VHSalon — эксперыментальны саўндтрэк для незразумелых візуальных VHS-відосаў.
17.30 — 19.00 — жывыя сэты acid TV ад MadMapper і «REFUTURE SAMP» Мішы Радзівонава.
Эксперыментальны фільм, які рабіўся ў 2019-2020 гадах, частка яшчэ не апублікаванага праекта «REFUTURE».
Вынік эксперыментаў з дэпрывацыяй сну падчас дэпрэсіі і перыяду пісьменніцкага блоку. Падарожжа ў падсвядомасць, замагільныя галюцынацыі, мройная паралельная рэальнасць, небыццё.
19:00-20:00 — «Primary noise» — электраакустычны музычны праект электроннага прадзюсара Антона Анішчанкі і музыкі Пафнуція, дзе Пафнуцій грае на альп-горне, трубе і валторне, а Антон стварае гукавыя пейзажы, апрацоўку электроннага і жывога гуку.
Праект узаемадзейнічае з прасторай, дзе адбываецца канцэрт. Мікрафоны ўсталёўваюцца на паверхнях у памяшканні (дзверы, халадзільнікі, сталёвыя рамы, бачкі), увесь гук апрацоўваецца ўжывую і мікшыруецца з загадзя запісанымі гукамі і духавымі акустычнымі інструментамі, на якіх грае Пафнуцій.
20:00 — 22:00 — джэм Big Bouncing Charlie & KOOB
21:00 — 22.00 — Яўген Булдык / Mufer: гукі глыбіні пранікаюць у вушы, ствараючы адчуванне бязважкасці, а пульсуючы рытм трымае ў напружанні.
21 траўня, нядзеля 16:00 — DJ-Sets ад Мікалая Балакло — эсід-хаўс, прагрэсіўны транс, электра і пост-панк.
17.00 — перформанс «МАСТАЦТВА Ў ЦЯЖКІЯ ЧАСЫ» № 13 ад Performance Büro & Max Blax
18.00 — 19.00 — «Лісты Х» ад Надзі Саяпінай і Яўгена Булдыка.
«Лісты X» — гэта відэадзённік, які суадносіць і спалучае ў адной «кнізе» розныя кантэксты і чалавечыя гісторыі, якія адлюстроўваюць тэму выгнання, міграцыі і бежанства, страты дома, выбару, адаптацыі і экзістэнцыяльнага крызісу, выкліканага вайной і рэпрэсіямі. Гэта ўспамін асабістых перажыванняў і разважанняў з паведамленняў і каментарыяў у сацыяльных сетках, фрагментаў інтэрв’ю і мультымедыйных архіваў, сабраных падчас даследаванняў мастака.
19.00 — СОЛА 3_а(LIVE)
У творчасці музыка выкарыстоўвае аналагавыя сінтэзатары, пабудаваныя на транзістарах 80-х, якія даюць глыбіню гуку, а таксама палявыя запісы, зробленыя падчас гукавых экспедыцый, і архіўныя запісы беларускага фальклора, якія адсылаюць да вытокаў і гавораць самі за сябе.
20.00 — 22.00 — «Рух фільм: праца па барацьбе з мінулым. Як адбываецца гвалт?» by Ambient JAM & Вова Штэба
Гэты фільм не ідзе сёння, але, верагодна, гэта было і не ўчора. Засталося толькі гудзенне ў вушах і шум у вачах. Як супрацьстаяць гвалту, як убачыць бяссілле?
Уваход — free donation.
