Фэст навукі ў Мінску
02.09.2023 - 03.09.2023
11:00 - 19:00
батанічны сад (вул. Сурганава, 2в)
ад 5 рублёў
У суботу, 2 верасня, у батанічным садзе — фэст навукі!
Дата: 2 верасня
Час: з 11.00 да 19.00 (час мясцовы)
Месца: батанічны сад, вул. Сурганава, 2в, Мінск
Цэлы дзень лекцый, майстар-класаў ды іншых навуковых актыўнасцяў, каб з асалодай паглыбіцца ў свет навукі і дзеткам, і дарослым.
Гэтым разам актыўнасці падзеленыя на сем тэматычных зон: Медыцына, Экалогія, Космас, Робаты, Sci-fi zone, Палігон і Ежа.
У зоне «Медыцына» навукоўцы і лекары прыадкрыюць заслону таямніцы ў працэсы, якія дазваляюць атрымліваць сучасныя лекі, і ў з’явы, якія праходзяць усярэдзіне нас саміх.
На гэтай пляцоўцы музей займальных навук «Квантум» пакажа сваю экспазіцыю, прысвечаную чалавечаму целу.
У зоне «Экалогія» кожны зможа даведацца больш аб правільным сартаванні смецця, важнасці азонавага пласта, небяспецы ультрафіялетавага выпраменьвання, а таксама аб тым, як працуюць бактэрыі і чым «пахне» мікрабіялогія.
Пляцоўка «Космас» прэзентуе серыю лекцый пра касмічныя аб’екты і іх даследаванне, тэлескопы і спадарожнікі.
Займальныя эксперыменты, навуковыя шоу і відовішчныя вопыты — усё гэта чакае вас на пляцоўцы «Палігон».
На пляцоўцы «Робаты» збяруцца лепшыя школы і арганізацыі ў сферы STEAM-адукацыі і робататэхнікі.
Кожны зможа спраектаваць, сабраць і запраграмаваць робата, ацаніць магчымасці штучнага інтэлекту, а таксама патрапіць на сапраўдны канцэрт аркестра робатаў.
Адбудуцца спаборніцтвы па адукацыйнай робататэхніцы, удзельнікі будуць ствараць робатаў, якія пераадольваюць перашкоды, змагаюцца адзін з адным на рынгу і гуляюць у футбол.
Упершыню будзе працаваць пляцоўка на стыку навукі і фантастыкі — зона Sci-fi.
Тут вы ўбачыце, як навука ўплывае на масавую культуру і як масавая культура прапануе навуцы шляхі для развіцця. Будуць і навуковыя арт-аб’екты, аўтарскі квэст па фестывалю, дэгустаторый і прыемныя падарункі за актыўнасць.
Падрабязней — на сайце фэста па
спасылцы.
Квіткі: поўны — 10 рублёў, льготны — 5 рублёў, дзецям да 15 гадоў уваход вольны.
