Напрыканцы тыдня, 20, 21 і 22 ліпеня, у Вільні адбудуцца паказы беларускага кінафэста «Нефільтраванае кіно», адмененага сёлета ў Мінску па загадзе мінкульта.
У чацвер, 20 ліпеня, пакажуць праграму відэаарту.
Дата: 20 ліпеня
Час: 19.00 (час мясцовы)
Месца: Ideas Block, A. Goštauto st. 11 (уваход з двара), Вільня
Гістарычна відэаарт — гэта мастацтва супраціву. З самага свайго нараджэння ён ўзаемадзейнічае з сацыяльнай праблематыкай, крытыкай СМІ, ілюзіяністычнага кіно, спажывецкага грамадства.
Агульная працягласць фільмаў — 63 хвіліны + абмеркаванне.
Уваход — donation.
У пятніцу, 21 ліпеня, у CreateCulture Space пакажуць праграму «Frontline».
Дата: 21 ліпеня
Час: 19.00 (час мясцовы)
Месца: CreateCulture Space, Karmelitų gatvė 5, Вільня
Ці здольны кінематограф адлюстраваць сучаснасць у цяжкія часы гуманітарных катастроф і войнаў? Што сёння можа выканаць ролю авангарду ў гэтым мастацтве?
Вас чакае 75-хвілінная праграма на лініі фронту + абмеркаванне.
Уваход — donation.
А ў суботу, 22 ліпеня, вяртайцеся ў Ideas Block на сеанс найлепшых кароткаметражак фэста.
Дата: 22 ліпеня
Час: 19.00 (час мясцовы)
Месца: Ideas Block, A. Goštauto st. 11 (уваход з двара), Вільня
Сёлета актуальнасць наратываў, у тым ліку кароткаметражных фільмаў, вызначаецца адносінамі паміж людзьмі. Рызыка дэгуманізацыі вышэйшая, чым калі-небудзь.
У сувязі з гэтым у праграму фестываля 2023 года ўвайшлі творы з вострымі пытаннямі і канфліктамі, якія суправаджаюцца супрацьстаяннем, эксплуатацыяй і адчужэннем.
Пры гэтым практычна кожны фільм у праграме ўяўляе сабой асобнае вымярэнне цуду. Нешта найвышэйшае і непадуладнае рацыянальнаму тлумачэнню акружае герояў і становіцца часткай іх паўсядзённага жыцця.
Нешта звышнатуральнае можа паўстаць у выглядзе казачнай жывёлы або таямнічага савецкага афіцэра, прывіда, фантомаў, геннай інжынерыі або апакаліпсісу.
Пошук чалавекам свайго месца і мэты на зямлі ў адносінах да вышэйшага парадку з’яўляецца самым ядром праграмы.
Агульная працягласць фільмаў — 112 хвілін.
Уваход — donation.
