У Міжнародны дзень абароны дзяцей музычная супольнасць Belarus Outside Sound System запрашае ўсіх жадаючых паслухаць жыўцом самую незвычайную беларускую музыку і ў падзяку пакінуць данат на летні адпачынак дзецям палітвязняў.
Кожны з 14 артыстаў на фэсце будзе прэзентаваць сваю праграму ці новы складнік лайф-выступу. Света Бень выступіць супольна з Сяргеем Навіцкім у новым электронным праекце пад назвай WTBSK, а Анастасія Рыдлеўская ўпершыню выступіць жыўцом. Таксама на фэсце выступяць Сяргей Пукст са сваім праектам Георгій Дабро, Ганна Жданава, Domsun, PocketRave і Syntrig. Дыджэй-сэты адыграюць Papa Bo Selektah, Schmoltz, Kornej, Eye-Q, Scarlett і Uhead.
На фестывалі будзе прэзентавана вінілавая плыта з аднайменнай рэйв-складанкай ад беларускіх электронных прадзюсараў.
Асабліва шчодрыя данатары атрымаюць унікальны вініл у падарунак.
Дата: 1 чэрвеня
Час: 20.00
Месца: Kwadrat Praski, Szwedzka 2/4, Варшава
Праект ладзіцца ў межах праграмы ArtPower Belarus Беларускай Рады культуры і Дацкага інстытута культуры пры фінансавай падтрымцы Еўразвязу.
Сабраныя данаты будуць перанакіраваныя на збор, арганізаваны ў межах традыцыйнай дзіцячай акцыі супольным праектам беларускіх фондаў «Хуткая гуманітарная дапамога».
