Гэтымі выходнымі, 3 і 4 чэрвеня, у Кракаве распачынаецца фестываль «Культура ў выгнанні». Гэта два дні імпрэз ад беларускіх дзеячоў культуры: творчыя сустрэчы, спектаклі, майстар-класы ды канцэрты.
Дата: 3 і 4 чэрвеня
Час: з 12.00
Месца: Віла Дэцыюша, 28 Lipca 1943 17a, Кракаў
Вось якая праграма:
СУБОТА, 3 ЧЭРВЕНЯ
12.00 — 20.00 ПОЛЬСКА-БЕЛАРУСКІ КНІЖНЫ КІРМАШ, дзе можна набыць кнігі беларускіх аўтараў.
13:00 Дзіцячы спектакль «МАЛЕНЬКІ ПРЫНЦ» ад беларускага тэатра «Дзеці суседзяў».
Тэатр «Дзеці суседзяў» — аматарскі тэатральны калектыў з Кракава, заснаваны летам 2021 года. Гурт складаецца з акцёраў з Беларусі і Украіны, якія эмігравалі ў Польшчу ў 2020-2022 гадах. Тэатр працуе на беларускай мове і стварае спектаклі для дзяцей ад 6 да 15 гадоў.
15.00 ЭКСКУРСІЯ ПА ВІЛЕ ДЭЦЫЮША З ГІДАМ
16:00 ЗАРУЧЫНЫ З МОРАМ. Вернісаж фотавыставы беларускай мастачкі Марыі Алены Банэ пад музычны акампанемент Віктара Сямашкі.
Гэта візуальны праект Марыі Алены Банэ, які складаецца з кароткаметражнага фільма і фатаграфічных работ, створаных у рэдкай тэхніцы гумовага храмата.
Ствараючы фатаграфіі з вугалю, попелу і «бурштыну» (гуміарабік), спадарыня Марыя Алена літаральна са стыхій рыхтуе святлоадчувальную эмульсію, а праяўляючы фатаграфіі ў моры — сімвалізуе адраджэнне і ўваскрашэнне з попелу.
17:00 СУСТРЭЧА З УЛАДЗІМІРАМ НЯКЛЯЕВЫМ з нагоды польскага перакладу зборніка ягоных вершаў паэта.
18:30 БЕЛАРУСКАЯ ЛІТАРАТУРА Ў ЧАСЫ КРЫЗІСУ. Дыскусія з пісьменніцай і перакладчыцай Ганнай Янкутай. Вядучая — Кася Іоффе
НЯДЗЕЛЯ, 4 ЧЭРВЕНЯ
12:00 — 20.00 ПОЛЬСКА-БЕЛАРУСКІ КНІЖНЫ КІРМАШ
12:15 ВОЛЬНАЯ ЛІТАРАТУРА. Дыскусія з прэзідэнткай Беларускага ПЭН-клуба Таццянай Нядбай і Марэкам Радзівонам, прэзідэнтам Польскага ПЭНа. Вядоўца — Андрэй Хадановіч.
14:30 — 15.30 КУЛЬТУРА Ў ЭМІГРАЦЫІ — АГУЛЬНЫ ДОСВЕД. Дыскусія з удзелам Аліны Коўшык і Артура Міхальскага.
15.30 — 17.00 Сустрэча з Уладзімірам Арловым «ЖАНЧЫНЫ Ў ПАЎСТАННІ КАСТУСЯ КАЛІНОЎСКАГА: МАЦІ, ЖОНКІ І КАХАНКІ». Сустрэча прысвечаная 160-годдзю паўстання Каліноўскага і малавядомым фактам удзелу ў ім такіх жанчын, як Людвіка Ямант, Апалонія Серакоўская, Каміла Марцінкевіч ці Эліза Ажэшкова.
У межах сустрэчы прэзентуюць новыя кнігі Уладзіміра Арлова «Айчына. Ад Агінскага да Багушэвіча» і знакамітую кнігу «Імёны свабоды».
Вядоўца — Яраслаў Іванюк, кіраўнік фундацыі Kamunikat.org
17:30 — 18.30 АЛЕСЬ. Прэзентацыя кнігі (пра) Алеся Бяляцкага і сустрэча з рэдактаркай кнігі Таццянай Нядбай.
18:30 — 19.30 КУЛЬТУРА І АБАВЯЗКІ Прэзентацыя кнігі Таццяны Астроўскай, а таксама акцыя салідарнасці з беларускімі палітвязнямі. Вядоўца — Кася Іоффе.
20.00 КАНЦЭРТ БЕЛАРУСКАГА ЭТНАГУРТА НАСТЫ ХМЕЛЬ
Уваход на ўсе імпрэзы вольны!
