5 лістапада, у суботу, у варшаўскай галерэі Яблкоўскіх адкрываецца файная фотавыстава «Дом там, дзе я».
Дата: 5 лістапада
Час: 13.00 (час мясцовы)
Месца: галерэя Яблкоўскіх, ul. Chmielna 21, Варшава
Складзеная яна фотаздымкамі дзетак і моладзі з Беларусі і Украіны, якія вымушаны былі з’ехаць са сваіх краін.
Выстава ладзіцца ў межах адукацыйнага «New Home Project», у якім фатаграфія і арт-тэрапія сустрэліся, каб дапамагчы дзецям і моладзі з Беларусі і Украіны перапрацаваць досвед міграцыі і падзяліцца ім адно з адным, а таксама з усімі, хто мае патрэбу.
Некаторыя фатаграфіі, што ўвайшлі ў выставу, зробленыя яшчэ да вайны. Самаму малодшаму ўдзельніку выставы — 5 гадоў, старэйшаму — 23.
На адкрыцці можна будзе пазнаёміцца з камандай праекта і яго ўдзельнікамі.
