У суботу, 17 лютага, у музеі народнай архітэктуры і побыту ў Азярцы святкуюць Грамніцы.
Дата: 17 лютага
Час: з 14:00 да 15:00
Месца: музей народнай архітэктуры і побыту, Азярцо, Мінскі раён
Грамніцы — дзень сустрэчы зімы з летам, свята свечкі і «жывога агню».
Гэта адно з нерухомых святаў народнага календара, якое адзначаецца 2 лютага ў каталікоў і 15 лютага ў праваслаўных.
У гэты дзень можна было ўпершыню пачуць гром і ўбачыць, як мільгае бліскавіца.
Асаблівае значэнне надавалася грамнічнай свечцы, якую выраблялі сваімі рукамі. Кожны гаспадар ведаў, што гэтая свечка дапаможа засцерагчы хату ад усялякай бяды.
У гэты пераломны дзень казалі: «На Грамніцы — паўзіміцы». Таму другая назва свята — Стрэчанне. Людзі тлумачылі сэнс свята, як сустрэча Зімы і Лета.
У некаторых мясцінах хлопцы раскладвалі вогнішча, прыносілі дровы і старыя рэчы. Калі ўсё было падрыхтавана, прыходзілі дзяўчаты і пачыналі вадзіць карагоды, спяваць веснавыя песні.
У вёсцы Новае Палессе Лельчыцкага раёна Гомельскай вобласці на Грамніцы ладзілі святочнае шэсце з абразом і грамнічнымі свечкамі.
Таксама неслі ялінку, якая была ўпрыгожана кветачкамі, што сімвалізавала вясну. Лічыцца, што калі елачка будзе добра ўпрыгожана, то вясна будзе цёплай.
Разам уся грамада вадзіла карагоды і танчыла.
Далучайцеся і вы!
Вас чакае:
Расповед пра свята «Грамніцы» і грамнічную свечку;
Майстар-клас па вырабе кветак з паперы;
Майстар-класы па набіванцы і выцінанцы;
Гульнявая пляцоўка;
Абрад з в. Новае Палессе Лельчыцкага раёна;
Карагоды, песні і традыцыйныя танцы вакол вогнішча.
Кошт квіткоў:
для дарослых — 12 рублёў; студэнтаў ды школьнікаў — 6 рублёў; для дашкольнікаў — бясплатна.
