Тэкстыль: традыцыя, сучаснасць. Elen Carot у “Краме Ц”
Лекцыя на тэму беларускага строя ад майстэрні “Elen Carot” (Мінск)
В.Траецкая 16, “Крама Ц”
4 жніўня, 18.00
Адны з найлепшых у Беларусі вытворцаў традыцыйнага і стылізаванага адзення, майстэрня Elen Carott, завітаюць у “Краму Ц” на чарговы гістарычны аўторак.
Жанчыны раскажуць, як усё распачалася, у чым асаблівасці іх вышыванак, раскажуць пра строі, арнамент, каноны вышыўкі яго на адзенні, падзеляцца меркаваннем наконт інтэграцыі традыцыі ў сучаснасць, а таксама прэзентуюць некаторыя мадэлі свайго вырабу, у тым ліку і доўгачаканую школьную форму для маладых беларусаў.
“Пры першай сустрэчы прыйшоў у захапленне ад гэтых жанчын. Ідэйных, дасведчаных, гасцінных і вельмі цікавых у размове. Яны самі – традыцыйны вобраз беларускай жанчыны. Сціплай, працавітай і дабразычлівай. Вельмі прыемна будзе бачыць іх у гасцях на нашых землях.” – А.Н.
Мы не ствараем моду, мы ўводзім культуру. Новы погляд на традыцыйнае адзенне: народ і ягоны нацыянальны касцюм, беларускае светаўспрыняцце праз вопратку. (с) “Elen Carotte”
Падрабязнасці па тэлефоне (33) 6232616 Андрэй Несцяровіч, этнакрама “Цудоўня”
Даведка:
Гандлёва-культурная прастора «Крама Ц» – гэта праект, што яднае тры крамы пад адным дахам;
– гэта месца, у якім можна прыемна і з карысцю для сябе адпачыць за кубкам духмянай кавы, папрацаваць ва ўтульнай атмасферы, пастасавацца з зычлівымі людзьмі. Месца, дзе жывуць беларускія традыцыі.
– гэта сувеніры і карысныя для жыцця рэчы ручнога вырабу з натуральных матэрыялаў, настольныя гульні, экалагічная мэбля з масіву;
– гэта адукацыйныя лекцыі і сустрэчы з цікавымі людзьмі, гульнятэкі і турніры настольных гульняў, майстар-класы па рамёствах, кіна-пятніцы і цёплая хатняя тмасфера з кубкам гарбаты або кавы.
