17 верасня ў 18:00 Літаратурны музей Петруся Броўкі запрашае на тэатралізавана-інтэрактыўную дзею «"І сэрца ў нас нібы адно..." Актуальная класіка: Максім Танк — змаганне за свабоду». Гэтае мерапрыемства прымеркавана да знакавай даты ў нашай гісторыі — 17-га верасня 1939 года.
Максім Танк — гэта не проста вялікі паэт, гэта — знак, сімвал нашай краіны. Зорка заходнебеларускай паэзіі, чалавек, які супрацьстаяў польскай аўтарытарнай сістэме Пілсудскага. Ён выдатна паказаў характар беларуса, ідэальную Беларусь ў сваіх паэмах «Нарач», «Кастусь Каліноўскі» і дзівосных свабодалюбівых вершах.
Сёння, калі пачынаецца новы вучэбны сезон, хочацца па-новаму адкрыць для сябе творчасць Максіма Танка напярэдадні свята 17-га верасня.
Аўтар і вядучы — Васіль Дранько-Майсюк.
Уваход па квітку ў музей.
