Ігар Бабкоў і Альгерд Бахарэвіч у Магілёве
Пачатак: 23.03 (19:00)Канец: 23.03 (22:00)
Цэнтр "Кола"
23 сакавіка ў Магiлёве ў Цэнтры “Кола” (завулак Чкалава, 16) Беларускі ПЭН-цэнтр ладзіць другую з серыі “Сустрэч з Гедройцам”. Да чытачоў прыедуць Альгерд Бахарэвіч і Ігар Бабкоў, а вядоўцам імпрэзы будзе Андрэй Хадановіч. У 2012 і 2013 гадах Альгерда Бахарэвіча узнагароджвалі ІІ прэміяй Ежы Гедройца за “Малую медычную энцыклапедыю” і “Гамбургскі рахунак”. Ігар Бабкоў – паэт, філосаф, перакладчык, лаўрэат прэміі Ежы Гедройца 2014 года за раман “Хвілінка”.
Беларускі ПЭН-Цэнтр сумесна з Пасольствам Рэспублікі Польшча плануе цягам некалькіх тыдняў зладзіць “Сустрэчы з Гедройцам” у Гомелі, Гродне і Беластоку. Арганізатары Літаратурнай прэміі Ежы Гедройца лічаць важным прадставіць прызёраў і пераможцаў прэміі не толькі ў Мінску, але ў рэгіёнах, а таксама за межамі краіны.
