Імпрэза «Чалавек з крылатай фантазіяй» у Мінску

15 ліпеня, у сераду, музей Якуба Коласа запрашае на імпрэзу «Чалавек з крылатай фантазіяй» з унучкай Якуба Коласа і Янкі Маўра Марыяй Міцкевіч.

Якуб Колас і Янка Маўр — выдатныя літаратары, настаўнікі, сябры і сваякі.

Іх знаёмству і стасункам і прысвечана літаратурная сустрэча. А правядзе яе ўнучка Якуба Коласа і Янкі Маўра Марыя Міцкевіч.

Падчас імпрэзы вы:

• даведаецеся пра знаёмства, сяброўства і ліставанне пісьменнікаў, пра іх псеўданімы;

• убачыце мемарыяльныя рэчы з сямейнага архіва нашчадкаў Янкі Маўра і пачуеце цікавыя гісторыі, з німі звязаныя: падарункі ад эсперантыстаў, падарункі Янкі Маўра членам яго сям’і, кнігі з аўтографамі;

• даведаецеся, якім нялёгкім было жыццё Янкі Маўра і колькі разоў ён стаяў на грані паміж жыццём і смерцю;

• паспрабуеце крушон — французскі дэсертны напой, зроблены па сямейным рэцэпце. На 70-годдзе Янка Маўр падарыў свайму сябру Якубу Коласу набор для крушону;

• пачуеце вершы-прысвячэнні Янку Маўру, смешныя сямейныя гісторыі;

• пагуляеце ў квіз-гульню па творах Янкі Маўра і краінах, якія ён з такой дакладнасцю апісваў. Пераможцы атрымаюць прызы — такія ж самыя, як некалі дарыў Якуб Колас сваім сябрам.

Квіткі — 30 рублёў. Рэгіструйцеся па спасылцы.