Каляды ў Вільні
17.12.2023
12:00 - 20:00
Беларускі дом (Vilniaus, 20)
Бясплатнае
У нядзелю, 17 снежня, у Цэнтры беларускай супольнасці і культуры святкуюць Каляды.
Дата: 17 снежня
Час: з 12.00 і да апошняга калядоўшчыка (час мясцовы)
Месца: Беларускі дом, Vilniaus, 20, Вільня
Можна далучыцца ў любы час на любую частку праграмы!
У праграме:
12:00 −14:00 — Дзіцячы Калядны Кірмаш (вырабы навучэнцаў Школкі) і гульні
14:00 — Выступ вулічнага тэатра «Вір» (выступ на падворку, перад музеем)
14:30 — 15:30 — Супольны абед
Вельмі вітаецца прыносіць з сабой да абеда прысмакі (бліны, пірагі, дранікі, каўбасы, сыры, а мо, нават піцу ці бульбу фры — будзем частавацца ўсе разам).
Вас, як заўжды, чакаюць смачныя і цікавыя беларускія стравы.
Адзінае абмежаванне: імпрэза безалкагольная.
15:30 — Калядаванне і гульні з Казой
Прыносьце з сабой пачастункі для Казы (цукеркі, печыва, яблычкі, арэхі, мандарынкі — Каза імі падзеліцца з дзеткамі пасля караоке).
16:00 — Батлейка
16:30 — Выступленне вучняў тэатральнага і вакальнага гурткоў Школкі
17:00 — Ангельскае караоке ад навучэнцаў гуртка ангельскай мовы (але спяваюць усе!)
17:30 — Гульні і конкурсы
18:00 — 18:20 — Прызы і падарункі пад ялінкай
18:20 — Калядная дыскатэка да апошняга калядоўніка
Апранайцеся ў традыцыйным беларускім стылі (вышываныя кашулі, вышыванкі, іншая вопратка ў беларускім стылі) ці прыходзьце ў калядных касцюмах — казы, мядзьведзя, зайца, ваўка, бусла, жорава, каня, быка і г.д. Ці проста апранайцеся святочна.
Цягам усяго мерапрыемства дзеці (і дарослыя) за ўдзел у святочных імпрэзах і гульнях будуць атрымліваць калядныя прызы.
А галоўнае ўручэнне падарункаў адбудзецца каля ялінкі ў канцы свята (18:00 — 18:20).
Уваход вольны.
