Канцэрт Змітра Вайцюшкевіча ў Празе
Пачатак: 27.11 (19:00)Канец: 27.11 (19:00)
Craft House Prague
Дзяніс Ламейка разам з Craft House Prague запрашаюць на канцэрт вядомага беларускага спевака і музыкі Змітра Вайцюшкевіча (Todar).
Творчая біяграфія
1992—1998 — удзельнік гурта «Палац», што выконвае беларускі аўтэнтычны фальклор, як у арыгінальным гучанні, так і ў разнастайных стылёвых апрацоўках. У 1993 годзе «Палац» патрапіў у дзесятку лепшых калектываў Усходняй Еўропы па выніках фэстывалю Radio France Internationale.
1997—2001 — удзельнік гурта KRIWI, што спэцыялізуецца на выкананні world music. Заўсёднікі міжнародных этна-фэстываляў і лідэр еўрапейскіх этна-чартаў. Былі прызнаныя «гуртом году» на «Рок-каранацыі’99». Гурт быў названы лепшым на конкурсе Musika Vitale у Берліне.
З 2001 Зміцер Вайцюшкевіч — лідэр і мастацкі кіраўнік WZ-Orkiestra (Усход-Захад Аркестар). Гурт выконвае музыку ў стылі world music, рэтра, гарадскі шансон, рок, аўтарская песня.
Апошні альбом Змітра Вайцюшкевіча «Камета» напісаны на словы чэшскага паэта і спевака Яраміра Нагавіцы ў перакладзе Віталя Воранава і Андрэя Хадановіча.
Уваход на канцэрт: 200,-Кч. Замовiць столiк можна па тэлефонах: (+420) 222-935-304 ці (+420) 776-574-013.
P.S. З усімі арганізацыйнымі пытаннямі звяртацца да Дзяніса Ламейкі, Кірыла Якімовіча і Сямёна Буракевіча.
Падзея на Facebook
