З чацвера да суботы, з 23 па 25 траўня, у Празе адбудзецца кангрэс #WithoutJustCause.
Дата: з 23 па 25 траўня
Месца: Каралінум, Карлаў універсітэт, Ovocný trh 560/5, Прага
Гэта першае пасля падзей 2020 года буйное экспертна-палітычнае мерапрыемства, прысвечанае крызісу ў галіне правоў чалавека ў Беларусі, а таксама дапамозе тым, хто прайшоў праз рэпрэсіі.
Удзел бяруць чальцы вядучых беларускіх праваабарончых арганізацый і гуманітарных ініцыятываў, беларускія эксперты ў галіне права, беларускія і замежныя палітыкі і дыпламаты, а таксама былыя палітзняволеныя і іх сямейнікі, якія могуць сведчыць пра рэальнае становішча тых, хто знаходзіцца ў зняволенні.
Зацікаўленых журналістаў просяць зарэгістравацца праз мэйл czechia.office@tsikhanouskaya.org — пазначце сваё імя і прозвішча.
