У нядзелю, 19 лістапада, у Познань прыбывае з канцэртам для гітары і аркестра Яўген Барышнікаў.
Дата: 19 лістапада
Час: 19.00 (час мясцовы)
Месца: прастора «My», ul. Fredry 5, Познань
Спадар Яўген прэзэнтуе новае гучанне. І такога вы, бадай што, яшчэ ня бачылі і ня чулі.
Пры дапамозе шайтан-машынак і побытавай магіі акустычная гітара гучыць у суправаджэнні сэмпліраванага камернага аркестра са струнных, духавых і нават перкусіі, але прытым без запісаных загадзя партый — усё граецца выключна ўжывую адным чалавекам.
Ці гэта магчыма і як называецца такі жанр — вырашым разам падчас канцэрта.
І наўрад ці паміж песнямі абыдзецца без вясёлых баек: пра беларускае мора, львоўскае тылавое жыццё падчас вайны ды адвечны шлях беларусаў, раскіданых па свеце.
Уваход вольны, данаты вітаюцца.
