З пятніцы, 9 снежня — і ўсе выходныя — у арт-прасторы «Вершы» зноў наш улюбёны «Craftmall», кірмаш беларускіх дызайнераў і майстроў.
Дата: 9, 10 і 11 снежня
Час: з 12.00 да 20.00 (час мясцовы)
Месца: арт-прастора «VERSHY», вул. Кастрычніцкая, 19, Мінск
Тут вы знойдзеце:
святочныя уборы, упрыгожванні, аксесуары ад мясцовых дызайнераў і брэндаў;
прыгожую дзіцячую вопратку і аксэсуары;
утульны аўтарскі тэкстыль, посуд і дэкор для дома;
духмяны рамесны хлеб, хатняе марожанае і дэсерты;
душэўныя падарункі ручной працы для сяброў і блізкіх;
елачныя кампазіцыі, вяночкі, навагоднія цацкі і дэкор.
А таксама духмяны глінтвейн, гарачую каву і ласункі.
А яшчэ гэтым разам будуць імпрэзы!
9 снежня ў 17.30 — майстар-клас стылісткі Алесі Адамовіч, якая дапаможа вырашыць, у чым сустракаць Новы год, як падабраць упрыгожванні да ўбору, якія лукі актуальныя для карпаратыву, вечарынкі, загараднага свята.
9 снежня ў 18.30 — канцэрт піяніста Уладзіслава Шобіка. Абяцаюць сусветныя навагоднія і калядныя кампазіцыі для святочнага настрою!
10 снежня ў 18.00 — выступ Сашы Мацюховай і Сашы Музыкантавай з рэтрапеснямі «Музыка, якая дорыць надзею».
11 снежня а 18-й — Tipoz. І гэтым усё сказана!
Прыходзьце, як заўсёды, з сябрамі, сем’ямі, з дзеткамі і даражэнькімі хвосцікамі добра правесці час ва ўтульнасці, набыць што-небудзь цікавае і падтрымаць нашых дызайнераў і майстроў.
Уваход вольны! Pet friendly.
