Круглы стол «7 лістапада — Чырвонае НЕсвята, або Ці варта беларусам захоўваць камуністычны каляндар?» у Варшаве
07.11.2024
11:00 - 13:00
Witryna Domu Wschodniego (плошча Канстытуцыі, 6)
Бясплатнае
У чацвер, 7 лістапада, у Варшаве адбудзецца круглы стол «7 лістапада — Чырвонае НЕсвята, або Ці варта беларусам захоўваць камуністычны каляндар?»
Дата: 7 лістапада
Час: 11.00 (час мясцовы)
Месца: Witryna Domu Wschodniego, плошча Канстытуцыі, 6 (правае крыло), Варшава
У Рэспубліцы Беларусь дзень Кастрычніцкай рэвалюцыі адзначаецца як дзяржаўнае свята. Улады сцвярджаюць, што дзякуючы рэвалюцыі беларускі народ набыў дзяржаўнасць.
Але ці сапраўды гэта так: 7 лістапада — прадмет гонару за перамогі, здзяйсненні і працоўныя дасягненні ці груз, які (не) перашкаджае развівацца?
Круглы стол прысвечаны палітыцы памяці і асэнсаванню савецкай спадчыны ў гісторыі і культуры беларускага народа.
Удзел бяруць:
Алесь Чайчыц, публіцыст, грамадскі дзеяч, прадстаўнік Геральдычнай рады «Пагоня»;
Валерыя Чарнаморцава, грамадская дзяячка, даследчыца сталінскіх рэпрэсій;
Андрэй Казакевіч, аналітык, дырэктар інстытута «Палітычная сфера»;
Ігар Станкевіч, выканаўчы дырэктар Беларускага інстытута публічнай гісторыі, даследчык сталінскіх рэпрэсій.
Мадэратарка — Аліна Коўшык, прадстаўніца па нацыянальным адраджэнні Аб’яднанага Пераходнага Кабінета Беларусі.
Падчас мерапрыемства адбудзецца прэзентацыя праекта па дэкамунізацыі тапаніміі і гарадской прасторы на прыкладзе горада Мінска, падрыхтаванага Геральдычнай радай «Пагоня» (спікер — Алесь Чайчыц).
Уваход вольны.
