Неўзабаве ў Варшаве стартуе фэст Вольных Беларусаў DaVoli. У межах фэсту 5 жніўня адбудзецца круглы стол «Будзьма беларусамі!», прысвечаны нацыянальнай ідэі беларусаў.
Дата: 5 жніўня
Час: 19.00 (час мясцовы)
Месца: Дом спатканняў з гісторыяй, Karowа, 20, Варшава
Нацыянальная ідэя: ці патрэбна яна беларусам? Якой яна павінна быць? Ці змянілася нешта з тых часоў, калі яе фармуляваў Ігнат Абдзіраловіч? Як паўплываў на імідж беларусаў і Беларусі 2020 год? Што такое быць беларусам сёння? Вось толькі некаторыя з пытанняў, якія закрануць госці круглага стала «Будзьма беларусамі!»
Удзельнікi круглага стала:
Ніна ШЫДЛОЎСКАЯ, старшыня Рады Згуртавання беларусаў свету «Бацькаўшчына», каардынатарка кампаніі «Будзьма беларусамі!»;
Андрэй РАДАМАН, гісторык, спецыяліст па гісторыі права і дзяржаўнасці Вялікага Княства Літоўскага;
Зміцер ЛУКАШУК, журналіст Еўрарадыё, аўтар і вядучы праекта «Ідэя Х», аўтар кнігі «Беларуская нацыянальная ідэя»;
Павел БАРКОЎСКІ, прадстаўнік акадэмічнай філасофскай думкі, кандыдат філасофскіх навук, каардынатар супольнасці «Беларуская філасофская прастора»;
Славамір СЕРАКОЎСКІ, польскі публіцыст, сацыёлаг, літаратурны і тэатральны крытык.
Да ўдзелу ў дыскусіі заклікаюцца таксама і ўсе прысутныя. Будзе працаваць «вольны мікрафон».
Арганізатар круглага стала — Інстытут беларускай культуры «ІнБелКульт 2.0».
Партнёры:
Pilecki-Institut;
Dom Spotkań z Historią;
Euroradio;
Budzma Belarusami.
Уваход вольны!
Калі жадаеце ўзяць удзел — рэгіструйцеся па спасылцы.
