Круглы стол у Магілёве: “Пытанні музеефікацыі літаратурных мясцін”

23 чэрвеня 2017 года ў рамках юбілейных ХХV Міжнародных Гарэцкіх чытанняў “Максім і Гаўрыла Гарэцкія. Жыццё і творчасць”, прысвечаных літаратурна-мастацкай і навуковай дзейнасці братоў Гарэцкіх (у сувязі з абвяшчэннем 2017 года Годам навукі) Дзяржаўны музей гісторыі беларускай літаратуры сумесна з Музеем гісторыі горада Магілёва праводзіць круглы стол, прысвечаны пытанням музеефікацыі літаратурных мясцін.

У межах круглага стала плануецца абмеркаванне наступных пытанняў:

• ушанаванне памяці пісьменнікаў;
• догляд літаратурных мясцін, уключэнне іх у турыстычныя і экалагічныя маршруты;
• далейшы лёс Літаратурнага музея Максіма Гарэцкага ў в. Малая Багацькаўка Мсціслаўскага раёна;
• стварэнне музея Алеся Адамовіча ў в. Глуша Бабруйскага раёна.

Круглы стол адбудзецца 23 чэрвеня 2017 года ў 15.00 у Музеі гісторыі горада Магілёва (г. Магілёў, вул. Ленінская, 1А).

У працы круглага стала прымуць удзел прадстаўнікі аргкамітэта канферэнцыі “Гарэцкія чытанні”, Магілёўскага абласнога выканаўчага камітэта, Мсціслаўскага раённага выканаўчага камітэта, Цэнтра даследаванняў беларускай культуры, мовы і літаратуры Нацыянальнай акадэміі навук Беларусі, Дзяржаўнага музея гісторыі беларускай літаратуры, Музея гісторыі горада Магілёва, Мсціслаўскага раённага гісторыка-краязнаўчага музея і інш.