18 лютага музей Янкі Купалы і Нацыянальная бібліятэка ладзяць «Купалаўскі дыктант».
Дата: 18 лютага
Час: 16.00
Месца: Нацыянальная бібліятэка Беларусі, пр-т Незалежнасці, 116, Мінск
Кожны жадаючы зможа далучыцца да дыктанта, адчуць смак роднай мовы і прыгажосць Купалавага слова, праверыць сваё валоданне нормамі беларускага правапісу, напісаўшы тэкст аднаго з артыкулаў Янкі Купалы.
На ролю выкладчыка запрошаны Валянцін Салаўёў, акцёр Рэспубліканскага тэатра беларускай драматургіі.
Арганізатары прапануюць два варыянты ўдзелу ў дыктанце:
— напісаць дыктант ва ўтульнай зале Нацыянальнай бібліятэкі. Для гэтага неабходна зарэгістравацца праз спасылку https://forms.gle/6jLL6U9bhpYNEnTr6. Рэгістрацыя будзе адкрыта да 17.02. Колькасць удзельнікаў абмежавана — усяго 140 чалавек (здагадаліся, чаму менавіта такая колькасць?);
— напісаць дыктант дома. Для гэтага будзе арганізавана прамая трансляцыя на YouTube. Па завяршэнні дыктанта анлайн-удзельнікі павінны цягам 30 хвілін адправіць фотаздымак напісанага тэкста на электронную пошту [email protected]. У суправаджальны лісце неабходна пазначыць імя і прозвішча — і, пажадана, краіну (бо мы ведаем, што беларусы жывуць па ўсім свеце).
Усе ўдзельнікі цягам 10 дзён атрымаюць па электроннай пошце свае вынікі, а таксама электронны сертыфікат удзельніка «Купалаўскага дыктанта». А тыя, хто напіша дыктант на «выдатна» (10 балаў), атрымаюць памятныя падарункі ад арганізатараў.
