У суботу, 3 снежня, у музеі Янкі Купалы апошні дзень працуе выстава «Меер Аксельрод. Успамін пра Менск» — і з гэтае нагоды па ёй ладзяць куратарскую экскурсію! Паспейце ж!
Дата: 3 снежня
Час: 12.00 (час мясцовы)
Месца: літаратурны музей Янкі Купалы, вул. Янкі Купалы, 4, Мінск
Творчасць Меера Аксельрода (1902–1970) належыць гісторыі яўрэйскага, беларускага і расійскага мастацтва. Свой творчы шлях мастак распачаў у Мінску і назаўсёды захаваў духоўную сувязь з радзімай.
Выстава нібы адчыняе дзверы ў горад, які ў час стварэння малюнкаў меў назву Менск на чатырох дзяржаўных мовах, сярод якіх была ідыш.
Усе працы захоўваюцца ў прыватнай калекцыі і экспануюцца ўпершыню.
Экскурсія стане вандроўкай у той свет, што адлюстраваны на малюнках ды звязаных з імі старых фатаграфіях і мапах.
Абяцаюць процьму цікавых гісторый пра Мінск, мінчукоў ды пра мастацтва, вядома!
