У чацвер, 29 жніўня, у музеі Максіма Багдановіча ладзяць куратарскую экскурсію па выставе «Якое доўгае бывае лета!», прысвечанай летнім вакацыям Уладзіміра нашага Караткевіча.
Дата і час: 29 жніўня ў 19.00
Месца: музей Максіма Багдановіча, вул. Багдановіча, 7а, Мінск
Праз фотаздымкі, рукапісы, колкія эпіграмы, прыжыццёвыя выданні Уладзіміра Караткевіча вы ўбачыце пісьменніка рыбаком і курортнікам, краязнаўцам і даследчыкам, ваенным журналістам Ціхаакіянскага флоту і, канешне, аматарам коцікаў.
Ды паслухаеце процьму летніх гісторый.
Экскурсію правядзе дырэктар музея Міхал Бараноўскі.
Квіткі — 5 рублёў. Запісу не патрэбна — проста прыходзьце.
Выстава, нагадаем, працуе да 13 верасня.
