Анлайн-лекцыя Аляксандра Паршанкова „Культурны ландшафт Усходняй Еўропы XVI ст.“
02.12.2025
20:00 - 21:00
Анлайн
Бясплатна
2 cнежня гісторык Аляксандр Паршанкоў у межах курса „XVI стагоддзе ў беларускай гісторыі: ці быў залаты век?“ прачытае анлайн-лекцыю „Культурны ландшафт Усходняй Еўропы XVI ст.“
XVI стагоддзе займае асаблівае месца ў беларускай і еўрапейскай гісторыі. Статуты ВКЛ, Радзівілы, Будны, Гусоўскі, Скарына – імёны і паняцці эпохі, якую часта называюць залатым векам.
У гэты час Еўропу ахоплівае Адраджэнне, адбываюцца Рэфармацыя і Контррэфармацыя, кніга становіцца даступнай амаль кожнаму.
- Якае месца займала Вялікае Княства Літоўскае ў Еўрапейскай гісторыі гэтага часу?
- Якія агульныя тэндэнцыі былі характэрны для Заходняй Еўропы і беларускіх земляў.
- Ці існавала Беларусь ў XVI ст?
- Якім быў культурны ландшафт Усходняй Еўропы ў эпоху Адраджэння?
- Ці з’яўляецца ВКЛ часткай беларускага нацыянальнага міфа?
На гэтыя і іншыя правакацыйныя пытанні можна будзе атрымаць адказ з курса.
Удзельнікі ўбачаць малавядомыя артэфакты, зазірнуць у гістарычныя крыніцы, правераць свае навыкі ў палеаграфіі (дысцыпліна, якая вывучае гісторыю пісьма). Наведаюць незвычайныя мясціны.
Аляксандр Паршанкоў – дактарант Карлавага ўніверсітэта і малодшы навуковы супрацоўнік Інстытута літоўскай мовы, выпускнік БДУ, магістр гісторыі. Даследніцкая дзейнасць Аляксандра прысвечана кірылічнай кнізе XVI-XVIII стст. і кніжнай культуры Вялікага Княства Літоўскага. Таксама даследуе жыццё і дзейнасць, спадчыну Францыска Скарыны.
