У сераду, 2 кастрычніка, Цэнтр беларускай драматургіі запрашае на лекцыю «Беларуская рэжысура: Барыс Луцэнка».
Дата: 2 кастрычніка
Час: 18.00
Месца: Цэнтр беларускай драматургіі (у будынку РТБД), Крапоткіна, 44, Мінск
Барыс Луцэнка — рэжысёр, які змяніў ход тэатральных працэсаў у другой палове ХХ стагоддзя. Распрацоўваючы тэму дабра і зла, ён імкнуўся стварыць той тэатр, які дапаможа чалавеку зразумець самога сябе — спавядальны тэатр.
Зараз шматлікія адкрыцці рэжысёра і пастановачныя прыёмы могуць здавацца звыклымі, але за імкненне да метафарычнага, а не бытавога тэатра Барыс Луцэнка доўгі час падвяргаўся крытыцы.
На лекцыі вы даведаецеся, як ён працаваў з паэтыкай тэксту і як гэта паўплывала на развіццё беларускага тэатра.
Працягласць — 1 гадзіна.
Лектарка — Яўгенія Бачыла, рэдактарка ЦБД, тэатразнаўца.
Рэгіструйцеся па спасылцы.
