18 красавіка (гэта будзе чацвер) мастацтвазнаўца Дзмітрый Салодкі чытае ў CreateCulture Space лекцыю «Жаночы Род».
Дата: 18 красавіка
Час: 19.00 (час мясцовы)
Месца: CreateCulture Space, Karmelitų gatvė 5, Вільня
На падставе аднайменнага выставачнага праекта, які прайшоў у Нацыянальным мастацкім музеі Рэспублікі Беларусь у 2022 — 2023 годзе, пагавораць пра беларускую жаночую вобразнасць у яе архетыпічным і міфапаэтычным прачытанні.
Чаму зямлю звалі «Маці-зямля»?
Як выпяканне вясельнага каравая было звязана з зачаццем дзіцяці?
Чаму ўвогуле было магчымае матрыярхальнае грамадства, і якія яго сляды захаваліся ў беларускай культурнай памяці?
Як беларусы да пачатку XX стагоддзя практыкавалі сумесныя роды?
Якія атрыбуты жаночага побыту выкарыстоўваліся ў якасці інструмента жаночай ініцыяцыі пры нараджэнні дзяўчынак?
Дзмітрый Салодкі — мастацтвазнаўца, лектар, педагог, куратар выставачных праектаў. Куратар дзесяці выставачных праектаў Нацыянальнага мастацкага музея.
Уваход — 15 еўра. Рэгіструйцеся па спасылцы.
