У чацвер, 22 снежня, праект «Культуралогія без межаў» запрашае на новую крутую лекцыю «Эстэтычныя парадоксы крэатыўных індустрый».
Дата: 22 снежня
Час: 18.30
Месца: НЦСМ, пр-т Незалежнасці, 47, Мінск
У дзяцінстве мы пазнаем навакольны свет праз уласныя пачуцці. Пазней жа імкнемся да рацыянальнага асэнсавання рэчаіснасці. Навакольны свет праходзіць праз прызму нашай эстэтыкі.
Усе ведаюць, прыгажосць выратуе свет. Але ж эстэтычныя катэгорыі не з’яўляюцца нязменнымі. Наадварот! Магчыма казаць пра іхнюю дынаміку і эвалюцыю. Мода, лад жыцця, грамадства спажывання — у наш час усё гэта пра новыя сэнсы, новы густ і новыя эстэтычныя формы.
Герберт Маркузэ — нямецкі філосаф, сацыёлаг, і аўтар знакамітага «Аднамернага чалавека» — лічыў, што эстэтыка крэатыўных індустрый — гэта не пра прыгожае, а больш пра прынцып задавальнення і прынцып рэальнасці. Ён шукаў адказ на пытаннечка: як перастаць імкнуцца да празмернай рацыянальнасці і пачаць жыць у сваё задавальненне?
Вось на гэтае пытанне і будуць шукаць адказ разам з культуролагам, кандыдатам культуралогіі Аляксеем Крывалапам.
Кошт: 12 рублёў для дарослых, 8 рублёў для студэнтаў. А для тых, хто ўжо бываў на лекцыях «Культуралогіі без межаў», уваход вольны!
Рэгіструйцеся па спасылцы.
