У чацвер, 2 лютага, лекторый «Фрэскі» запрашае на другую лекцыю Андрэя Гаранскага «Мінск XVII — XVIII стагоддзяў. Каменнае будаўніцтва» з цыклу «Мінск страчаны».
Дата: 2 лютага
Час: з 18.30 да 20.45 з перапынкам на каву
Месца: вул. Кісялёва, 38 (1 паверх), Мінск
Падчас лекцыі вы:
даведаецеся, як будаваўся самы стары будынак 1612 г. — Петрапаўлаўская царква — і як змянялася інфраструктура такога вядомага месца на Нямізе;
пачуеце пра розныя здагадкі і версіі гісторыкаў, звязаныя з Халоднай сінагогай, і даведаецеся, дзе яна знаходзілася;
пачуеце драматычную гісторыю касцёла св. Тамаша Аквінскага з кляштарам дамініканаў, якія знаходзіліся паблізу ад сучаснага Палаца Рэспублікі;
перанясецеся ў Верхні горад, дзе ў XVII ст. разгортваецца актыўнае будаўніцтва каменных храмаў;
убачыце самы стары грамадзянскі будынак Мінска, а раней корпус жаночага манастыра, які захаваўся амаль у першапачатковым выглядзе; прагуляецеся па пл. Высокага Рынку (цяпер пл. Свабоды);
даведаецеся, як будаваліся і выглядалі комплексы кляштара бернардынцаў і бернардынак з касцёламі, уладанні якіх цягнуліся ад плошчы да самай ракі;
аддасьцё даніну велічнаму комплексу касцёла і калегіўма езуітаў, якія ў XVIII стагоддзі завяршылі ансамбль мураваных храмаў гістарычнага цэнтра Мінска;
наведаеце раён кінатэатра «Перамога» і Генеральнай пракуратуры, дзе ў XVII ст. быў касцёл св. Войцэха з кляштарам для манашак-бенедыктынак, а таксама розныя часткі гістарычнага цэнтра і яго прадмесцяў, дзе былі пабудаваны манастыры бенедыктынаў, францысканцаў, баніфратраў і капліца ў Лошыцкім маёнтку...
Карацей, насычаны атрымаецца віртуальны шпацыр па Мінску!
Андрэй Гаранскі — выкладчык тэалогіі і рэлігіязнаўства, магістр тэалогіі.
Кошт адной лекцыі — 17 рублёў. А абанемент на ўсе пяць лекцый каштуе 72 рублі.
Месцаў абмежавана, таму запісвайцеся хутчэй па тэлефоне + 375 29 252 44 58.
