У пятніцу, 30 верасня, філіял Веткаўскага музея ладзіць ого-го якую лекцыю — лекцыю «Змеі і цмокі ў традыцыйнай культуры».
Дата: 30 верасня
Час: 18.00 (час мясцовы)
Месца: філіял Веткаўскага музея, плошча Леніна, 4а, Гомель
«Змей быў хітрэйшы за ўсіх звяроў палявых, якіх стварыў Гасподзь...» — гэтыя радкі Бібліі кажуць не пра біялагічную іерархію, а базавыя архетыпы свядомасці.
За праявамі звяроў ды жывёлаў хаваюцца ўяўленні чалавека аб светабудове ды мадэлях паводзінаў у соцыуме, у адносінах да «жывой» і «мёртвай» прыроды.
Цягам сустрэчы будуць разбірацца з вобразамі цмока ды змея (вужа), каб зразумець, што добрага, а што адмоўнага нясуць яны чалавеку.
Лектар — Андрэй Скідан, старэйшы навуковы супрацоўнік Веткаўскага музея.
Кошт — 2 рублі.
