У нядзелю, 5 лютага, у Мастацкім музеі — крутая лекцыя «Традыцыйнае светамысленне беларусаў і этнафіласофія як самарэфлексія беларускай культуры».
Дата: 5 лютага
Час: 14.00
Месца: Мастацкі музей, вул. Леніна, 20, Мінск
Гэта будзе першая гутарка з цыкла пра беларускую традыцыйную карціну свету, пра яе ўнутраныя сэнсы і сувязі і пра новую навуку — этнафіласофію.
Вобразы, ідэі, сюжэты, сімвалы, персанажы, сакральныя тэксты, падзеі і аб’екты, унутраныя сэнсы і асацыяцыі — складнікі традыцыйнай карціны свету, якія паўставалі часам у глыбокай старажытнасці, кшталтаваліся ад эпохі да эпохі, сталіся асноваю культурных кодаў, валоданне якімі яднае ўсіх носьбітаў культуры.
Беларуская этнафіласофія працуе з традыцыйным светамысленнем беларусаў, адлюстраваным у шматлікіх фальклорных запісах, даследуе шматузроўневыя сістэмы сувязей розных элементаў народнай культуры.
Лектарка — Ірына Дубянецкая, старэйшая навуковая супрацоўніца Інстытута філасофіі НАН Беларусі.
Уваход — па квітку ў галоўны корпус музея. І рэгістрацыі не патрэбна — проста прыходзьце!