У пятніцу, 1 сакавіка, навуковец Ілля Бутаў чытае ў Гомелі крутую лекцыю «Звышнатуральнае ў фальклоры Гомельшчыны».
Дата: 1 сакавіка
Час: 18.00
Месца: адкрытая бібліятэка «Чытай-Хатка», вул. Кастрычніка, 29 (3 паверх), Гомель
Ці верыце вы ў паранармальнае? Шмат хто скажа, што ў 21 стагоддзі гэта ўжо дакладна не актуальна.
Аднак звышнатуральнае захапляе даследчыкаў і навукоўцаў нават зараз, і між іншым, Гомельшчына багатая на звесткі пра міфічныя істоты, цуды і іншыя паранармальныя з’явы!
Пра гэта распавядзе Ілля Бутаў, старшы навуковы супрацоўнік Цэнтра беларускай культуры, мовы і літаратуры НАН Беларусі, стваральнік сайта ufo-com.net.
Спадар Ілля неаднаразова вывучаў таямнічыя з’явы ў экспедыцыях па Гомельскай вобласці.
Вы даведаецеся, пра якіх незвычайных жывёл гавораць жыхары Палесся, якія цуды твораць іконы і як у Гомелі аднойчы назіралі палтэргейст!
Уваход вольны.
