Літаратурная гульня для дзяцей
Пачатак: 10.07 (13:00)Канец: 10.07 (13:00)
кнігарня Кніжная Шафа
Запрашаем юных паэтаў і пісьменнікаў на сустрэчу, каб з дапамогай Алісы Бізяевай скласці свой першы (ці не першы) літаратурны тэкст.
Чакаем вас 10 ліпеня ў кнігарні Кніжная Шафа а 13.00.
Усе актыўнасці пройдуць у выглядзе забаўляльнай гульні. У праграме: літаратурная размінка, гульня ў рыфмы, крыху тэорыі, спантанная творчасць, складанне гісторый, запіс і рэдактура чарнавіка. У выніку ў нас атрымаецца збор кароткіх апавяданняў, якія, з ласкавага дазволу аўтараў, мы здолеем уключыць у рукапіс кнігі. Кожны ўдзельнік атрымае асобнік.
Працягласць мерапрыемства 2-3 гадзіны. Працоўныя мовы: руская і беларуская. Вашу падзяку за ўдзел вы можаце вызначыць самі – набыць кнігу ў кнігарні ці ахвяраваць колькі грошай у фонд мерапрыемства ў спецыяльны кошык – donation box :)
Сок, пячэнькі і ўсе матэрыялы ў наяўнасці. Але, калі ў юнага генія ёсць любімая шчаслівая асадка, можна яе ўзяць з сабой.
Папярэдні запіс пажаданы (у Алісы па тэлефоне +375291544753).
“Кніжная Шафа” знаходзіцца па адрасе:
пр. Дзяржынскага, 9 (5 хвілін пешшу ад станцыі метро “Грушаўка”), уваход са двара каля 5 пад’езда.
Калі вы на аўто — тэлефануйце vel.: +375(29)645-20-55, і мы адкрыем вам шлагбаум.
