Іконы стылю па версіі “Vogue” і “L‘Officiel”, літоўскія электроншчыкі Beissoul & Einius прэзентуюць новы альбом у Мінску
Харызматычны electrofashion-дуэт, які спалучае гіпнатычную электроніку і экспрэсіўныя касцюмы, вяртаецца ў Беларусь з яркім шоу.
Іконы стылю па версіі модных часопісаў “Vogue” і “L’Officiel”, літоўскія электроншчыкі Beissoul & Einius вяртаюцца ў Беларусь з унікальным шоў і прэзентацыяй новага альбома, назву якога пакуль трымаюць у сакрэце. Electrofashion-дуэт саўндпрадзюсара і харызматычнага вакаліста, вядомы жарсцю да арту і моды, выступіць 3 траўня ў клубе Re:Public.
З першым з’яўленнем у Беларусі пластыка і пазнавальны вакал франтмэна Beissoul & Einius, гіпнатычная электроніка і экспрэсіўныя касцюмы зрабілі іх выступы феноменам. Іх добра ведаюць у нас як хэдлайнераў фестываляў Mirum Music і FSP. Іх апошні сольны канцэрт у Кіеве назвалі “новым фарматам НЛА”, а шоу на Sziget Festival 2018, адным з самых вялікіх фестываляў Еўропы, стала адкрыццём для многіх.
Першы сольны канцэрт Beissoul & Einius у Мінску адбыўся мінулай вясной пры падтрымцы беларускага праекта Наталлі Куніцкай Mustelide. У гэты раз гурт прыедзе адразу пасля маштабнага шоу у Siemens Arena ў Вільні.
“Мы абралі мову моды і музыкі. Гэта тыя рэчы, якія ніколі не падмануць і не зробяць балюча. Яны падтрымаюць, дапамогуць адчуваць і разумець не толькі нас, але і адначасова саміх сябе і шалёны свет, што імкліва змяняецца. У гэтым сутнасць нашага electrofashion, механізм нашых зносін”, — кажуць музыкі.
Beissoul & Einius атрымалі намінацыю на брытанскай прэміі Unsigned Music Awards за фільм “LION”, галоўную літоўскую прэмію М.А.М.А як электронны гурт №1, а “Vogue” і “L’Officiel” называюць іх іконамі стылю. Пра іх пішуць выданні ў розных краінах свету, сярод якіх Designe Scene, Kaltblut, Playboy, OOB Magazine, FGUK Magazine і Nvrmind. Яны выступалі гасцямі шоу ісландцаў GusGus, украінцаў The Hardkiss і Ivan Dorn.
Beissoul & Einius выдалі два альбомы і EP і, больш за тое, маючы трывалую сувязь з модай, стварылі дзве уласныя fashion-калекцыі: “Sharp Sabotage” з касцюмамі са шкла і авангардную “The Power Of Being An Alien”. Яны ледзь не першыя артысты ў свеце, якія ўласнаручна стварылі калекцыю адзення і выступалі ў ёй пад уласную музыку.
У B&E склалася мноства эфектных арт-дуэтаў з вядомымі дызайнерамі, мастакамі, фатографамі, мадэлямі і танцорамі. Іх EP “Сhamillion” натхніў кампанію FumParFum на стварэнне водару, а дызайнерку Elena Burenina — калекцыі з аднайменнай назвай. У канцэрце-паказе другой уласнай калекцыі адзення Beissoul & Einius узяў удзел фіналіст тэлепраекта “Топ-мадэль па-ўкраінску” Раван Палюх, а ў выступе на цырымоніі ўзнагароджання прэміі М.А.М.А. — экс-фронтмэн Kazaky і саліст балета The Great Gatsby Артур Гаспар. Галоўнай часткай сюжэту кліпа B&E на сінгл “Rooftop” з будучага альбома сталі маскі арт-генія тэхнарамантызму Bob Basset — вядомай у свеце ўнікальнай студыі, што працуе з домам моды Givenchy, кінастудыяй Рыдлі Скота, з KORN, Avril Lavigne, Сідам Вілсанам з гурта Slipknot.
Гурт з натхняльным іміджам і неабмежаванай фантазіяй выступіць у клубе Re:Public у Мінску 3 траўня.
Квіткі ўжо ў продажы:
першыя 100 – 38 рублёў,
месца за столікам – 53 рублі.
Набыццё онлайн тут.
