Лекцыя Адама Глобуса “Нататкі ля ўзгалоўя”
Пачатак: 17.04 (19:00)Канец: 17.04 (21:00)
прастора Space
“Нататкі ля ўзгалоўя” належаць пяру японскай прыдворнай дамы Сэй-Сёнагон, якая жыла дзесяць стагоддзяў таму. У гэтым асабістым дзённіку пісьменніца змяшчала тонкія і часта іранічныя назіранні, афарыстычныя думкі, лірычныя замалёўкі. Нягледзячы на тое, што паміж намі і аўтаркай – цэлае тысячагоддзе, кніга адчуваецца лёгкай, мудрай і вытанчанай. Яна пра каштоўнасць маленькіх радасцяў і пра бязмежную прыгажосць гэтага свету.
У сярэднявечную Японію пераносімся разам з пісьменнікам і мастаком Адамам Глобусам.
Лекцыя адбудзецца ўжо ў гэты панядзелак, 17 красавіка, у прасторы Space (вул. Кастрычніцкая, 16А).
Квіток каштуе 7 рублёў, набыць яго можна тут.
Пасля лекцыі запрашаем падзяліцца ўражаннямі ў фармаце кніжнага клубу.
Гэта першая з сямі літаратурных лекцыяў, якія ладзіць кніжны сайт Bookster.by.
Сачыць за праектам можна ў суполках FB і VK
