8 красавіка 2017 (серада), а 16-й гадзіне. Нацыянальны мастацкі музей Рэспублікі Беларусь
Лекцыя: “Архітэктура і ўзбраенне Нясвіжскага замка ў XVI – XVIII стст.”
Чытае Мікалай Волкаў, кандыдат гістарычных навук, навуковы супрацоўнік Інстытута гісторыі НАН Беларусі, старшы навуковы супрацоўнік Нацыянальнага гістарычнага архіва Беларусі
У канцы XVI ст. Мікалай Крыштаф Радзівіл Сіротка заклаў у Нясвіжы новы бастыённы замак, які мусіў стаць асновай магутнасці і бяспекі роду на доўгія стагоддзі. Магнат не шкадаваў грошай на новую рэзідэнцыю, таму бастыённы замак у Нясвіжы стаў адной з наймацнейшых магнацкіх фартэцый у Вялікім Княстве Літоўскім і ўсёй Рэчы Паспалітай. Адной з найбольш яркіх асаблівасцей Нясвіжскага замка было яго ўзбраенне. Гарматы, адлітыя па замове М. К. Радзівіла Германам Мольцфельтам, лічацца шэдэўрамі ліцейнага мастацтва і ўжо ў сучаснікаў выклікаючы велізарную цікавасць.
У сваёй лекцыі Мікола Волкаў распавядзе аб асаблівасцях архітэктуры і абарончым патэнцыяле Нясвіжскага замка ў XVI–XVIII стст., што дазволіць зразумець значэнне гэтай рэзідэнцыі для роду Радзівілаў.
Лекцыя праходзіць у рамках лекцыйнага цыкла “Радзівіліяна”, прысвечанага выставе “Радзівілы: лёсы краіны і роду”. Працоўная мова: беларуская
Кошт білета на адну лекцыю: 5 руб. (дарослыя), 2.50 (школьнікі, студэнты)
Кошт абанемента: 20 руб. (10 наведванняў), 12 руб. (5 наведванняў). Абанемент сапраўдны на ўсе лекцыйныя цыклы праекта «Лекторый НММ РБ».
Кошт абанемента для школьнікаў і студэнтаў: 11 руб. (10 наведванняў), 7 руб. (5 наведванняў). Абанемент сапраўдны на ўсе лекцыйныя цыклы праекта «Лекторый НММ РБ».
Даведкі па тэл.: (017) 220-22-87
